होऊनिया गेले l राम, कृष्ण जसे ll
होते आम्हा तसे l दादा, आण्णा ll
जपली आनंदे l नाती गोती सारी ll
पंढरीचा हरी ll आप्तेष्टांना ll
सग्या सोयऱ्यात l होता मोठा मान ll
आम्हावरी ऋण l फार केले ll
सुखाचा संसार l निर्मळ आरसा ll
पिढ्यांना वारसा l निर्मियेला ll
मायेचा आगर l प्रेमाळू आधार ll
गुणांचा पाझर l आम्हापाठी ll
आभाळा एवढे l कार्य नी कर्तृत्व ll
समर्थ नेतृत्व l असे केले ll
समर्थाची केली l भक्तीही महान ll
मित्रत्वाचे धन l अर्जियले ll
अशा चरणांशी l नमते मस्तक ll
संस्कारी पुस्तक l आदराचे ll
विधिलिखित हो l जन्म, मृत्य खेळ ll
भूवरी अटळ l सर्वांसाठी ll
भावपूर्ण आज l शब्द पुष्पांजली ll
अर्पू श्रद्धांजली l मनोभावे ll
सोमनाथ आवडाजी पगार ९२७३३५७१५९
