कविता -दु:ख गेले सुख आले

आजच्या दै . महाराष्ट्र टाइम्समध्ये  काल रविवार दि . २ सप्टे . २०१२ रोजी सायंकाळी कुसुमाग्रज स्मारकात नाशिकच्या काव्य मंचच्या ९ व्या वर्धापन दिनी संपन्न झालेल्या काव्यवाचन  कार्यक्रमाच्या  बातमीत  माझ्या   ' आज जीवनात आली सुखाची पहाट '  या कवितेचा उल्लेख आला आहे।
सदर कविता माझ्या मित्रांसाठी सादर करत आहे

आज माझ्या जिवनात

झाली सोनेरी पहाट

दु:ख  गेले सुख आले

आली खुशीची हि लाट II धृ II

उपाशी काढले दिन 

पाण्याने भरले पोट 

पोटासाठी दोन घास 

तुडवली सदा वाट II 1 II 

देव  नाही दगडात

देव नाही आकाशात

कुडण्यात काय अर्थ  

संकटास दोन हात  II 2 II

कोणी भरवला घास 

कोणी धोका कोणी लुट

केले कष्ट थोडी जिद्द

झटलो रात्र पहाट II 3 II

संघर्षाची आली लाट 

काटे टोचले फुलात 

बुद्धीला जोडी  शिक्षण 

रोज पक्वनाचे ताट II 4 II    

सोमनाथ आ. पगार 

नाशिक

मो. ९२७३३५७१५९
Email- somnathapagar@gmail.com
somnathpagar@yahoo.co.in

Blog. www.somnathpagar.blogspot.com