अभंग:- सुखी सासरी या

https://youtube.com/user/SomnathPagar हि लिंक ओपन करून  youtube चॅनेलला सबस्क्राईब करून नोटिफिकेशनसाठी बेल आयकॉन प्रेस करण्यास नम्र विनंती

अभंग:- सुखी सासरी या

सासूर वाशीन l नावाची मी खरी l

एकतात सारी l शब्द माझा ll१ll

येईना आठव l माहेरचा मला l

आधार जीवाला l सासरचा ll२ll

स्वप्नांचे हे पंख l विहरते मुक्त l

होते सदा व्यक्त l मनाने मी ll३ll

स्रीचा जन्म माझा l आनंदी आयुष्य l

घराचे भविष्य l माझ्या हाती ll४ll

चार भिंतीत मी l होते कधी तरी l

आज हाती दोरी l संसाराची ll५ll

पती पत्नी दोघ l जणू छापा काटा l

उचलतो वाटा l सामान हो ll६ll

माहेर सासर l मज हे समान l

दोन्ही कडे मान l मिळतो हो ll७ll

जाता माहेरास l सासरची आस l

होई सदा भास l सासरी मी ll८ll

घ्याया नको येऊ l मला भाऊ राया l

सुखी संसारी या l सदा मी रे! Ll९ll

धुण्या-भांडया साठी l बाई कामवाली l

माझ्याच हवाली l घर माझे ll१०ll

सोमनाथ पगार, नाशिक, गितकार/कवी, (MSRA, MABMCM)

मो.9273357159. Blog:- https://somnathpagar.blogspot.com

E-mail: somnathapagar@gmail.com / somnathpagar@yahoo.co.in

©®सर्व हक्क सुरक्षित, व्यावसायिक वापरासाठी पूर्व परवानगी आवश्यक

Follow me on my Blog, Whatsapp, Facebook, Twitter, Linkedin, Instagram.
You Tube Channel:- https://youtube.com/user/SomnathPagar